لــهــجــات الـــدواســـر

السلام عليكم ورحمه الله وبركاته


كل قبيله ولها لهجه خاصه فيها او تتميز بها


وانا راح اضيف عن لهجات الدواسر


اخليكم مع الموضوع ...



قال أبوعبدالهادي:

هذه الظاهره خاصة بقبيلة الدواسر ، ولا يشاركها فيها سوى قبيلة السهول على نطاق أضيق وشهرة اقل.

والمعروف ان القبيلتين من قبائل جنوبي نجد.

وتتمثل هذه الظاهرة في جمع ثلاث ضمائر في فعل واحد على النحو التالي:


()ضمير المنفصل ( أنا - للمتكلم)
()الضمير المتصل ( تاء - الفاعل)
() مع أحد من :

(أ) الضمير المتصل ( هاء - الغائب)
(ب)الضمير المتصل( هاء- الغائبة)
(ج)الضمير المنفصل( هم- للغائبين)
(د) الضمير المنفصل( هنّ-للغائبات)

فيقولون : جيتناه ، وخذيتناه ، وزوّجتناه ، ونسيتناه ...الخ .

بدلا ً من : جئته ، وأخذته ، وزوجته ، ونسيته ... الخ.

ويقولون : جيتناها ، وخذيتناها ، وزوجتناها ، ونسيتناها ... الخ .

بدلا ً من : جئتها ، وأخذتها ، وزوّجتها ، ونسيتها ... الخ .

ويقولون : جيتانهم ، وخذيتاهم ، وزوّجتناهم ، ونسيتناهم ... الخ .

بدلا من : جئتهم ، وأخذتهم ، وزوّجتهم ، ونسيتهم ... الخ .

ويقولون : جيتناهن ، وخذيتاهن ، وزوّجتناهن ، ونسيتناهن ... الخ.

بدلا من : جئتهنّ ، وأخذتهنّ ، وزوّجتهنّ، ونسيتهنّ ... الخ .

وقد ذكر الشيخ عبدالله بن خميس هذه الظاهره فقال:

(( والتي تجمع بين ثلاث ضمائر في فعل واحد ، وتصل بينها مع كون أحدها منفصلاً واثنان منهما للرفع ، فلعلك تدركها حينما تقرأ الأبيات التالية :



يا بن سالم هاضني صوت الحمـام
باح سدّي والعـزا مـا احرزتنـاه

شدّوا (( الفرجان)) في شف الجهام
خلّي وادي السيح مـا واجهتنـاه

بو نهيدات ٍ كمـا بيـض الحمـام
أوز فواريـز الذهـب شبهتـنـاه




ألسيت هذه لغة الدواسر حاضرة وبادية )) -انتهى كلام ابن خميس-.


قال ابوعبدالهادي :

ومن شواهد هذه الظاهرة في الشعر العامي :



قول محمد بن فرج بن حفيظ شيخ الشكره من الدواسر :




لا صاح صيّاح الضحى ثم تعليّت....ربداً على الموت الحمر (سقتناه)




يريد : سقتها



وقول أبو شليّل الدوسري




لو النصايح توافق من يعمل بها....( عرضتناها) على العقّال تكتبها




يريد : عرضتها



وقول أحد شعراء منطقة البديع بالأفلاج :




يابن سالم ترى قلبي عليكـم حزيـن ...والسبب صاحبي زعلن ولا (ارضيتناه)
صاحبي يحسب اني عنه أدور حنيـن ... حالف ٍ ما نوى قلبي ولا( أطريتنـاه)
طير ياللي ترفرف فـوق دار الخديـن ... بشّر أمي ترى المجمـول (حصلتنـاه)




يريد : أرضيته ، وأطريته ، وحصّلته.



وقول علي بن طريخم السهلي:




(ميّزتناهم) قوم أو طرقية ... الكل منهم عارف ٍ مسباه




يريد : ميّزتهم



وقول ناصر بن شعف السهلي:




وان عسّمت (ماجبتناها )كداده ... منكم ونرجوا مثلها يابوطايل




يريد ك جبتها ( احضرتها).



وقول محمد بن مشعي الدوسري :




ما تشوف الحال قذ ذاب من كثر الونين ... ليتنـي ماجيـت داره ولا( عرفتنـاه)
صاحبي ياحجاب والله ثـم والله يميـن ... ما لمسته او تخلويت به او( جيتنـاه)
كان جلهم شاف زول ناس ٍ سايريـن ... صاحبي عشر سنوات وانا ما(شفتناه)




يريد : عرفته وجئته ، وشفته




وسلامتكم


اخوكم

فــــتـــى الــلـــيــل

احم احم

موضوع قمه الروعه ونتضر جديدك